ഒന്നാം വർഷ പി ജി പ്രവേശന വിഷയത്തിൽ സർക്കാർ സ്വീകരിച്ചത് അനുകൂല നിലപാടാണെന്ന് ആരോഗ്യമന്ത്രി. വിഷയം കോടതിയുടെ പരിധിയിലാണ്. കോടതിയുടെ പരിധിയിലായതിനാൽ സർക്കാരിന് ഇടപെടാനാകില്ല. ഡോക്‌ടേഴ്‌സിന്റെ ജോലി ഭാരം കുറയ്ക്കാൻ സർക്കാർ അനുകൂല നിലപാട് സ്വീകരിച്ചതാണെന്നും മന്ത്രി വ്യക്തമാക്കി. ഡോക്‌ടേഴ്‌സുമായി രണ്ട് തവണ ചർച്ച നടത്തി. ജൂനിയർ ഡോക്‌ടേഴ്‌സിനെ നിയമിക്കാൻ ഉത്തവിട്ടിരുന്നു. സ്റ്റൈപ്പന്റ് വർധനവ് ധനകാര്യ വകുപ്പിന്റെ പരിഗണനയിലാണെന്നും ആരോഗ്യമന്ത്രി പറഞ്ഞു.
ഇതിനിടെ പ്രതിഷേധ സമരം തുടരുമെന്നും പിജി ഡോക്ടർമാർ പറഞ്ഞു. പ്രശ്‌നപരിഹാരത്തിന് ആരോഗ്യമന്ത്രി വീണാ ജോർജ് ചർച്ചയ്ക്ക് തയാറാകണമെന്ന് സമരം തുടരുമെന്നും ഡോക്ടർമാർ അറിയിച്ചു. ചർച്ചയ്ക്ക് തയാറായില്ലെങ്കിൽ അടിയന്തര സേവനം നിർത്തുമെന്ന് ഡോക്ടർമാർ മുന്നറിയിപ്പ് നൽകി.
ഡോക്ടര്‍മാരുടെ കുറവ് നികത്തണമെന്നത് ഉള്‍പ്പടെയുള്ള ആവശ്യങ്ങളുന്നയിച്ചാണ് പിജി ഡോക്ടര്‍മാര്‍ സമരം നടത്തുന്നത്.
You must be logged in to post a comment Login