സംസ്ഥാനത്ത് ബാലവേല തടയുന്നതിന്റെ ഭാഗമായി ബാലവേലയെപ്പറ്റി വിവരം നല്കുന്ന വ്യക്തിക്ക് ഇന്സന്റീവ് നല്കുന്ന പദ്ധതിയ്ക്ക് വനിത ശിശുവികസന വകുപ്പ് അനുമതി നല്കിയതായി ആരോഗ്യ, വനിത ശിശുവികസന മന്ത്രി വീണാ ജോര്ജ്. ബാലവേല സംബന്ധിച്ച് വിവരം നല്കുന്ന വ്യക്തിക്ക് 2,500 രൂപയാണ് ഇന്സന്റീവ് നല്കുന്നത്.
ബാലവേല നിയമപരമായി നിരോധിയ്ക്കുകയും അത് ക്രിമിനല് കുറ്റമാക്കുകയും ചെയ്തിട്ടുണ്ട്. ബാലവേല കേരളത്തില് കുറവാണെങ്കിലും ഇതര സംസ്ഥാന തൊഴിലാളികളോടൊപ്പവും ഇടനിലക്കാര് വഴിയും കുട്ടികളെ കേരളത്തില് ജോലി ചെയ്യിപ്പിക്കുന്നതിനായി കൊണ്ടുവരുന്ന സാഹചര്യം നിലനില്ക്കുന്നുണ്ട്.
14 വയസ് പൂര്ത്തിയാകാത്ത കുട്ടികളെ ജോലിയില് ഏര്പ്പെടുത്താന് പാടില്ല. 14 വയസ് കഴിഞ്ഞതും 18 വയസ് പൂര്ത്തിയാകാത്തതുമായ കുട്ടികളെ അപകടകരമായ ജോലികളില് ഏര്പ്പെടുത്താന് പാടില്ലായെന്നും നിയമത്തില് പരാമര്ശിയ്ക്കുന്നു
You must be logged in to post a comment Login