നോർത്ത് വയനാട് ഡിഎഫ്ഒയെ സ്ഥലം മാറ്റി. തിരുവനന്തപുരം ഡപ്യുട്ടി ഫോറസ്റ്റ് കൺസർവേറ്റർ ആയാണ് രമേഷ് ബിഷ്ണോയ്ക്ക് പുതിയ നിയമനം. മലയാറ്റൂർ എഡിസിഎഫ് ദർശൻ ഖട്ടാനിയാണ് പുതിയ നോർത്ത് വയനാട് ഡിഎഫ്ഒ.
കുറുക്കൻമൂലയിൽ കടുവ പ്രശ്നം നിലനിൽക്കുന്നതിനിടെയാണ് ഡിഎഫ്ഒയെ സ്ഥലം മാറ്റിയത്. ജനങ്ങളുടെ ജീവനും സ്വത്തിനും വളർത്തു മൃഗങ്ങൾക്കും സുരക്ഷ ഉറപ്പുവരുത്തണമെന്ന കോടതി നിർദേശം നൽകിയിരുന്നു.
ജനങ്ങളുടെ ജീവനും സ്വത്തും സംരക്ഷിക്കാൻ സ്വീകരിച്ച നടപടികൾ സംബന്ധിച്ച് ജില്ലാ പൊലീസ് മേധാവി റിപ്പോർട്ട് നൽകണമെന്നും ഡിവിഷൻ ബെഞ്ച് ആവശ്യപ്പെട്ടിരുന്നു. ക്ഷീര കർഷകർക്കും, സ്കൂൾ കുട്ടികൾക്കും, കാപ്പിത്തോട്ടങ്ങളിലും വയലുകളിലും പണിയെടുക്കുന്നവർക്കും സുരക്ഷ ഉറപ്പാക്കണം. ആവശ്യമെങ്കിൽ പൊലീസ് ഈ മേഖലകളിൽ പെട്രോളിങ് ഏർപെടുത്തണം. മേഖലയിൽ വൈദ്യുതി വിതരണം തടസപ്പെടാതിരിക്കാൻ കെഎസ്ഇബിക്കും കോടതി നിർദേശം നൽകിയിരുന്നു. ഇതിന് പിന്നാലെയാണ് സ്ഥലംമാറ്റ നടപടി.
You must be logged in to post a comment Login