ജനവാസ മേഖലയിൽ ഹോട്ടൽ മാലിന്യം തള്ളിയ ടാങ്കർ ഡ്രൈവർ അറസ്റ്റിൽ. അടയമൺ നെല്ലിക്കുന്ന് മുതൽ ചെമ്പകശ്ശേരി വരെയുള്ള ജനവാസ മേഖലയിലെ റോഡിനു വശങ്ങളിൽ ഹോട്ടൽ മാലിന്യം ഒഴുക്കിയ ഡ്രൈവറെയാണ് കിളിമാനൂർ പോലീസ് അറസ്റ്റ് ചെയ്തത്.
ആലപ്പുഴ, ചുനക്കര മഹാദേവ ക്ഷേത്രത്തിന് സമീപം തറയിൽ പടിയാട്ടിത്തിൽ വീട്ടിൽ അജിത് സലിം (25) ആണ് പിടിയിലായത് . വാഹനവും കസ്റ്റഡിയിലെടുത്തു. കഴിഞ്ഞവർഷം ഡിസംബർ 15 ന് പുലർച്ചെ ഒരു മണിയോടെയാണ് പ്രതി മാലിന്യം തള്ളിയത്. തുടർന്ന് പഴയകുന്നുമ്മേൽ ഗ്രാമ പഞ്ചായത്ത് അധികൃതർ പോലീസിൽ പരാതി നൽകുകയും തുടർന്ന് നടത്തിയ അന്വേഷണത്തിൽ പ്രതിയെ പിടികൂടുകയുമായിരുന്നു.
തിരുവനന്തപുരം റൂറൽ എസ്പി ഡോക്ടർ ദിവ്യ ഗോപിനാഥ് നിർദ്ദേശാനുസരണം വർക്കല ഡിവൈഎസ്പി പി നിയാസിന്റെ നേതൃത്വത്തിൽ കിളിമാനൂർ എസ് ഐ സത്യദാസ്, രാജേന്ദ്രൻ , എ എസ് ഐ താഹിർ , വിനോദ് കുമാർ CPO മാരായ റിയാസ് സുനിൽ , അരുൺ എന്നിവർ ചേർന്നാണ് പ്രതിയെ പിടികൂടിയത്. കോടതിയിൽ ഹാജരാക്കിയ പ്രതിയെ റിമാന്റ് ചെയ്തു.
You must be logged in to post a comment Login