സ്വച്ഛത ഹി സേവ പരിപാടിയുമായി എം.ജി.എം മോഡൽ സ്കൂൾ ഗാന്ധിജയന്തിയോട് അനുബന്ധിച് രാജ്യത്തുടനീളം സംഘടിപ്പിച്ച സ്വച്ഛത ഹി സേവ ശുചിത്വ കർമ്മ പരുപാടിയിൽ വർക്കല അയിരൂർ എം. ജി. എം മോഡൽ സ്കൂൾ പങ്കാളികളായി.ഇലകമൺ ഗ്രാമപഞ്ചായത് പ്രസിഡന്റ് ശ്രീമതി സൂര്യ ഉത്ഘാടനം നിർവഹിച്ച ചടങ്ങിൽ വൈസ് പ്രസിഡന്റ് ലൈജു, വില്ലേജ് എക്സ്റ്റൻഷൻ ഓഫീസർ മിലി,സ്കൂൾ മാനേജ്മെന്റ് കമ്മറ്റി അംഗം ഡോ.സജിത്ത് വിജയരാഘവൻ, ഹിന്ദുസ്ഥാൻ സ്കൗട്ട് ആൻഡ് ഗൈഡ്സ് സ്റ്റേറ്റ് ഓർഗനൈസിംഗ് കമ്മീഷണർ (റോവർ )പ്രവിൻ എസ്‌. ആർ ഹിന്ദുസ്ഥാൻ സ്കൗട്ട് ആൻഡ് ഗൈഡ്സ്
സ്റ്റേറ്റ് ഓർഗനൈസിംഗ് കമ്മീഷണർ (കബ്സ്) ബിനുകുമാർ . സി തുടങ്ങിയവർ സംസാരിച്ചു.
സ്കൗട്ട് ആൻഡ് ഗൈഡ്സ്, എൻ.സി.സി കേഡറ്റുകളുടെ നേതൃത്വത്തിൽ ഇലകമൺ ഗ്രാമപഞ്ചായത്തിൽ ശുചിത്വ പരിപാടികളിൽ പങ്കാളികളായി. ഉപയോഗശൂന്യമായി കിടന്ന വഴി സഞ്ചാരയോഗ്യമാക്കി മാറ്റുകയും ചെയ്തു. ചടങ്ങിൽ ഓഫീസ് സ്റ്റാഫ് സുനിൽ, സെക്യൂരിറ്റി സ്റ്റാഫ് രമ്യ ഹരിത കർമ്മ സേന പ്രസിഡന്റ് തുടങ്ങിയവർ പങ്കെടുത്തു. പ്ലാസ്റ്റിക് മാലിന്യം പ്രകൃതിയിൽ നിന്നും തുടച്ചു മാറ്റുവാൻ പുതുതലമുറ ഉണർന്നു പ്രവർത്തിക്കുകയും സ്വന്തം വീടുകളിൽ തന്നെ വിദ്യാർത്ഥികൾ ബോധവൽക്കരണം നടത്തുകയും ചെയ്യുമെന്നും കേഡറ്റുകൾ ചടങ്ങിൽ പറഞ്ഞു.
