വാട്‌സ്ആപ്പില്‍ നിരവധി അപ്‌ഡേറ്റുകൾ മെറ്റ ഇടയ്‌ക്കിടെ കൊണ്ടുവരാറുണ്ട്. കൗതുകം ഉണർത്തുന്ന മറ്റൊരു അപ്‌ഡേറ്റാണ് ഇപ്പോൾ കൊണ്ടുവന്നിരിക്കുന്നത്. വാട്‌സ്ആപ്പില്‍ ഇപ്പോൾ എഐ അധിഷ്ഠിത സേവനങ്ങൾ അവതരിപ്പിക്കുകയാണ് മെറ്റ. ഉപഭോക്താക്കള്‍ക്ക് ഇഷ്ടാനുസരണം എഐ ഉപയോഗിച്ച് സ്വന്തമായി സ്റ്റിക്കറുകള്‍ നിര്‍മ്മിക്കാന്‍ കഴിയുന്ന അപ്‌ഡേറ്റാണ് വാട്‌സ്ആപ്പിൽ ലഭ്യമാക്കിയിരിക്കുന്നത്.
ലാമ 2 സാങ്കേതികതയും എമു എന്ന ഇമേജ് ജനറേഷന്‍ ടൂളും ഉപയോഗപ്പെടുത്തിയാണ് പുതിയ അപ്‌ഡേറ്റിന്റെ പ്രവർത്തനം. ബീറ്റ ടെസ്റ്റിങിലായിരുന്ന സംവിധാനം മെറ്റ ഉപയോക്താക്കള്‍ക്കു ലഭ്യമാക്കി തുടങ്ങി. അടുത്ത അപ്‌ഡേറ്റില്‍ എല്ലാവര്‍ക്കും ഇത് കിട്ടി തുടങ്ങും. ഇതുവഴി നിര്‍ദ്ദേശങ്ങളുടെ അടിസ്ഥാനത്തില്‍ സ്റ്റിക്കറുകൾ ഇഷ്ടാനുസരണം നിർമിക്കാം. പുതിയ ഫീച്ചര്‍ മെസഞ്ചര്‍, ഇന്‍സ്റ്റാഗ്രാം, ഫേസ്ബുക്ക് സ്റ്റോറീസ് എന്നിവയിലും ലഭ്യമാണ്.
വാട്‌സ്ആപ്പില്‍ ഒരു ചാറ്റ് തുറക്കുമ്പോള്‍ മോര്‍ എന്ന ഐക്കണ്‍ ക്ലിക്ക് ചെയ്യുക. ഇതില്‍ ക്രിയേറ്റ് എന്ന ഓപ്ഷന്‍ കാണാന്‍ സാധിക്കും. തുടര്‍ന്ന് നിങ്ങള്‍ക്ക് ഏതുതരം സ്റ്റിക്കറാണോ വേണ്ടത് അതിനനുസരിച്ചുള്ള വിവരണം നല്‍കുക. ഇങ്ങനെ നാലു സ്റ്റിക്കറുകള്‍ വരെ ജനറേറ്റ് ചെയ്യും.
