ആർആർആറി’ന്റെ ഇടവേള സീക്വൻസിനു വേണ്ടി വന്നത് ലക്ഷങ്ങൾ

ചിത്രത്തിലെ ഇടവേള രംഗം ഷൂട്ട് ചെയ്യാൻ ചെലവായ തുക വെളിപ്പെടുത്തുകയാണ് രാജമൗലി. ‘ദി ക്വിന്റി’ന് നൽകിയ അഭിമുഖത്തിലായിരുന്നു സംവിധായകന്റെ പ്രതികരണം.

65 രാത്രികളിലായാണ് ചിത്രത്തിൻറെ ഇടവേള സീക്വൻസ് ഷൂട്ട് ചെയ്തതെന്നും, അതിനു വേണ്ടി മാത്രം പ്രതിദിനം ഏകദേശം 75 ലക്ഷം രൂപയോളം ചെലവായെന്നും സംവിധായകൻ വെളിപ്പെടുത്തിയതായി ക്വിന്റിനെ ഉദ്ധരിച്ച് ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.

വിവിധ രാജ്യങ്ങളിൽ നിന്ന് നൂറുകണക്കിന് അഭിനേതാക്കളും എത്തിയിരുന്നു. ഒരു രാത്രി ഷൂട്ടിങ്ങിന് 75 ലക്ഷം രൂപയാണ് ചെലവ്. അതുകൊണ്ട് സമയത്തിൽ എന്തെങ്കിലും മാറ്റം വന്നാൽ ഞാൻ ശരിക്കും പിരിമുറുക്കത്തിലാകുമായിരുന്നു, എനിക്ക് ശരിക്കും ദേഷ്യം വരും. ഞാൻ ശരിക്കും അസ്വസ്ഥനാകും. വളരെ ശാന്തനായ എന്റെ നിയന്ത്രണണം അപ്പോൾ നഷ്ടമാകും.”എന്ന് രാജമൗലി പറഞ്ഞു.