കണ്ണൂർ: കണ്ണൂർ സി പി എം പാർട്ടി കോൺഗ്രസ് സെമിനാറിൽ തമിഴ്നാട് മുഖ്യമന്ത്രി എം കെ സ്റ്റാലിന്. കമ്യൂണിസ്റ്റ് പ്രസ്ഥാനവുമായുള്ള ബന്ധത്തിനുള്ള അടയാളം തന്റെ പേര് തന്നെയാണെന്ന് എം കെ സ്റ്റാലിന്. പ്രസ്ഥാനവുമായി അഭേദ്യമായ ബന്ധമാണ് തനിക്കുള്ളത്. പിണറായി വിജയന് മതേതരത്വത്തിന്റെ മുഖമാണെന്നും ഇദ്ദേഹം പറഞ്ഞു. സിപിഎം 23ആം പാര്ട്ടി കോണ്ഗ്രസിലെ സെമിനാറില് സംസാരിക്കുകയായിരുന്നു എംകെ സ്റ്റാലിൻ. സെമിനാറില് ബി ജെ പി നേതൃത്വത്തിന് എതിരെ രൂക്ഷവിമര്ശനവും സ്റ്റാലിന് നടത്തി. നാനാത്വം അട്ടിമറിച്ച് ഏകത്വം നടപ്പാക്കാന് ബി ജെ പി ശ്രമിക്കുകയാണ്.
ബ്രിട്ടീഷുകാര് പോലും നടപ്പാക്കാത്ത നയമാണ് കേന്ദ്രത്തിന്റേതെന്നും ഇദ്ദേഹം കുറ്റപ്പെടുത്തി. ജിഎസ്ടിയടക്കം സംസ്ഥാനങ്ങളുടെ താളം തെറ്റിക്കുന്ന നയങ്ങളാണ് കേന്ദ്രസര്ക്കാര് നടപ്പാക്കുന്നത്. രാജ്യത്തെ സംരക്ഷിക്കാന് സംസ്ഥാനങ്ങളുടെ താല്പര്യങ്ങള് സംരക്ഷിക്കപ്പെടണം. ഭരണഘടനാ ശില്പികള് ഏകത്വത്തിനു വേണ്ടിയല്ല നിലകൊണ്ടതെന്നും ഇന്ത്യയുടെ നാനാത്വം അട്ടിമറിച്ച് ഏകത്വം മാത്രം നടപ്പാക്കാന് ചിലര് ശ്രമിക്കുകയാണെന്നും ഇതിനെതിരേ ഒന്നിച്ചു നിന്ന് പോരാടി ശക്തമായ ഫെഡറല് ഇന്ത്യ രൂപപ്പെടുത്താന് ശ്രമിക്കണമെന്നും സ്റ്റാലിന് വ്യക്തമാക്കി.
You must be logged in to post a comment Login