ആരാധകർ ആവേശത്തോടെ കാത്തിരിക്കുന്ന ചിത്രമാണ് പ്രഭാസ് നായകനാകുന്ന ‘സലാർ’. ആദ്യ ഷോ കാണാനാണ് ആരാധകരുടെ കാത്തിരിപ്പ്. ഇപ്പോഴിതാ ആരാധകർക്ക് ഉഗ്രൻ ഓഫറുമായി രംഗത്തെത്തിയിരിക്കുകയാണ് യുവതാരം നിഖിൽ സിദ്ധാർത്ഥ്.
ചിത്രത്തിന്റെ ആദ്യ ഷോ കാണുന്നതിനായി തിരഞ്ഞെടുക്കുന്ന100 ആരാധകർക്ക് സൗജന്യമായി ടിക്കറ്റുകള് നല്കുമെന്നാണ് നിഖില് സിദ്ധാര്ത്ഥ് അറിയിച്ചിരിക്കുന്നത്. എക്സിലൂടെയാണ് സിദ്ധാർത്ഥ് ഇക്കാര്യം പങ്കുവെച്ചത്. സലാർ ആരാധകരുടെ ആവേശം കൂട്ടുകയാണ് സിദ്ധാർത്ഥിന്റെ പോസ്റ്റ്. ഡിസംബര് 22നാണ് സലാറിന്റെ റിലീസ്.
ചിത്രത്തില് പ്രഭാസിനൊപ്പം നിര്ണായക വേഷത്തിൽ പൃഥ്വിരാജ് എത്തുന്നതിനാല് മലയാളികളും വലിയ ആവേശത്തിലാണ്. കഴിഞ്ഞ ദിവസമാണ് ആരാധകരുടെ കാത്തിരിപ്പിന് വിരാമമിട്ടുകൊണ്ട് കേരളത്തിൽ ‘സലാർ’ ടിക്കറ്റുകളുടെ ബുക്കിംഗ് ആരംഭിച്ചത്.