ബംഗളൂരു: മൂന്നാമത് അന്തര്ദേശീയ മൈസൂര് അന്താരാഷ്ട്ര ചലച്ചിത്രമേളയില് മികച്ച സംവിധായകനായി ജി. പ്രജേഷ് സെന്. ‘ദ സീക്രട്ട് ഓഫ് വുമണ്’ എന്ന ചലച്ചിത്രത്തിലൂടെയാണ് മികച്ച സംവിധായകനായി തിരഞ്ഞെടുക്കപ്പെട്ടത്. രണ്ടു വ്യത്യസ്ത സ്ത്രീകളുടെ ജീവിതവും ജീവിതപ്രതിസന്ധികളും പ്രമേയമായ പ്രജേഷിന്റെ ‘ദ സീക്രട്ട് ഓഫ് വുമണ്’ ഇന്നത്തെ സ്ത്രീജീവിതത്തിന്റെ പരിച്ഛേദമാണെന്ന് ജൂറി വിലയിരുത്തി.
സമാപന ചടങ്ങില് കര്ണാടക ഫിലിം പ്രൊഡ്യൂസര് അസോസിയേഷന് മുന് പ്രസിഡന്റ് ബി.എ.എം.എ. ഹരീഷ് മുഖ്യാതിഥിയായി. നടിയായ രാമേശ്വരി വര്മ, ഇന്ദിര നായര്, സീനിയര് ചേംബറിന്റെ അന്താരാഷ്ട്ര പ്രസിഡന്റ് പ്രീതം ഷേണോയ്, ദുര്ഗ പ്രസാദ്, ഫെസ്റ്റിവല് ഡയറക്ടര് രജിത എന്നിവര് പങ്കെടുത്തു. കന്നട, തെലുങ്ക് ചലച്ചിത്ര മേഖലയിലെ പ്രമുഖര് ചലച്ചിത്രോത്സവത്തിന്റെ ഭാഗമായി ചടങ്ങില് പങ്കെടുത്തു.
ചലച്ചിത്രോത്സവത്തില് മലയാള സിനിമകളും ഹ്രസ്വചിത്രങ്ങളും നിരവധി അവാര്ഡുകള് കരസ്ഥമാക്കി. മികച്ച വിദേശ സിനിമ വിഭാഗത്തില് റഷീദ് പറമ്പില് സംവിധാനം ചെയ്ത ‘കോലാഹലം’ തെരഞ്ഞെടുക്കപ്പെട്ടു. തോമസ് കെ. രാജു സംവിധാനം ചെയ്ത ‘ഓട്ടം’ മികച്ച ഹ്രസ്വചിത്രത്തിനുള്ള പ്രത്യേക ജൂറി പുരസ്കാരം നേടി. ‘കിറുക്കന് ‘എന്ന സിനിമയിലെ അഭിനയത്തിന് ഡോ. മാത്യു മാംപാറ മികച്ച നടനായി.