വിനീത് ശ്രീനിവാസന് സംവിധാനം ചെയ്യുന്ന പുതിയ ചിത്രം ‘വര്ഷങ്ങള്ക്കു ശേഷം’ ചിത്രീകരണം പൂര്ത്തിയായി. 40 ദിവസം നീണ്ടു നിന്ന ചിത്രീകരണമാണ് പൂര്ത്തിയായത്. ധ്യാന് ശ്രീനിവാസന്റെ പിറന്നാള് ദിനത്തിലാണ് ചിത്രീകരണം പൂര്ത്തിയായതെന്ന് വിനീത് ശ്രീനിവാസന് സോഷ്യല് മീഡിയയില് കുറിച്ചു. ചിത്രത്തിന്റെ പാക്കപ്പ് വീഡിയോയും പുറത്തുവിട്ടിട്ടുണ്ട്.
40 ദിവസം കൊണ്ട് ചിത്രീകരണം പൂര്ത്തിയാക്കാന് സഹായിച്ച മുഴുവന് അണിയറ പ്രവര്ത്തകര്ക്കും സംവിധായകന് വിനീത് ശ്രീനിവാസന് നന്ദി പറഞ്ഞു. ധ്യാനിന്റെ ജന്മദിനമായ ഇന്ന് പുലര്ച്ചെ 2 മണിക്ക് ഞങ്ങള് ‘വര്ഷങ്ങള്ക്കുശേഷം’ എന്ന ചിത്രത്തിന്റെ ഷൂട്ടിങ് പൂര്ത്തിയാക്കി. ചെയ്യുന്ന കാര്യങ്ങളില് ആത്മാര്ത്ഥയും അഭിനിവേശമുള്ള ഒരു കൂട്ടം ആളുകളുടെ ഒരു സൈന്യം തന്നെ എന്നോടൊപ്പമുണ്ടെന്നതില് ദൈവത്തോട് നന്ദിയുള്ളവനാണെന്ന് വിനീത് സോഷ്യല് മീഡിയയില് കുറിച്ചു
ചിത്രം 2024 ഏപ്രിലില് റിലീസ് ചെയ്യും. പ്രണവ് മോഹന്ലാലിനും നിവിന് പോളിക്കും പുറമെ ധ്യാന് ശ്രീനിവാസന്, അജു വര്ഗീസ്, കല്യാണി പ്രിയദര്ശന്, ബേസില് ജോസഫ്, വിനീത് ശ്രീനിവാസന്, നീരജ് മാധവ്, നീതാ പിള്ള, അര്ജുന് ലാല്, നിഖില് നായര് തുടങ്ങി നീണ്ട താരനിര തന്നെ ചിത്രത്തില് ഉണ്ട്.