ബംഗ്ലാദേശിൽ അജ്ഞാതർ പാസഞ്ചർ ട്രെയിനിന് തീവെച്ചതായി റിപ്പോർട്ട്. സംഭവത്തിൽ അമ്മയും കുഞ്ഞും ഉൾപ്പെടെ നാല് പേർ ദാരുണമായി കൊല്ലപ്പെട്ടു എന്നാണ് പുറത്തു വരുന്ന വിവരം.
ഷെയ്ഖ് ഹസീനയുടെ നേതൃത്വത്തിലുള്ള അവാമി ലീഗ് സർക്കാറിന് പകരം ഇടക്കാല ഗവൺമെന്റ് രൂപീകരിക്കണമെന്ന് ആവശ്യപ്പെട്ട് പ്രതിപക്ഷ പാർട്ടികൾ ആഹ്വാനം ചെയ്ത രാജ്യവ്യാപക പണിമുടക്കിനിടെയാണ് അക്രമം നടന്നത്.
മോഹൻഗഞ്ച് എക്സ്പ്രസിനാണ് അക്രമികൾ തീയിട്ടത്. സംഭവം അട്ടിമറിയാണെന്ന് ധാക്ക മെട്രോപൊളിറ്റൻ പോലീസ് കമ്മീഷണർ ഹബീബുർ റഹ്മാൻ മാധ്യമപ്രവർത്തകരോട് പറഞ്ഞു. കൂടുതല് കോച്ചുകളിലേക്ക് തീ പടരുന്നത് തടഞ്ഞതിനാല് വലിയ ദുരന്തം ഒഴിവായി.