തമിഴ്നാട്ടിൽ കൊവിഡ് നിയന്ത്രണങ്ങൾ നീട്ടി. ഡിസംബർ 15 വരെയാണ് നിയന്ത്രണങ്ങൾ നീട്ടിയത്. കേരളത്തിലേക്കടക്കമുള്ള പൊതുഗതാഗത സർവീസുകൾ ആരംഭിക്കാനും സർക്കാർ അനുമതി നൽകി. ചെന്നൈയിൽ നിന്നടക്കമുള്ള സ്വകാര്യ ബസുകൾക്കും ഇനി കേരളത്തിലേയ്ക്ക് സർവീസ് നടത്താം. ഇതോടെ അങ്ങോട്ടും ഇങ്ങോട്ടുമുള്ള സർവ്വീസുകൾ പുനഃരാരംഭിക്കുമെന്നാണ് വ്യക്തമാകുന്നത്.
കൊവിഡിന്റെ വകഭേദമായ ഒമിക്രോണിന്റെ സാന്നിധ്യം രാജ്യത്ത് ഇതുവരെ സ്ഥിരീകരിച്ചിട്ടില്ലെന്ന് കേന്ദ്ര സർക്കാർ വ്യക്തമാക്കി. അടിയന്തര സാഹചര്യത്തെ നേരിടാൻ രാജ്യം സജ്ജമാണെന്നും ആരോഗ്യമന്ത്രി മൻസൂഖ് മാണ്ഡവ്യ രാജ്യസഭയെ അറിയിച്ചു.
രോഗബാധ സ്ഥിരീകരിക്കാൻ ജീനോം സ്വീക്വൻസിംഗ് അടക്കമുള്ള കൂടുതൽ വിദഗ്ധ പരിശോധനകളാണ് നടക്കുന്നത്. അടിയന്തര സാഹചര്യത്തെ നേരിടാൻ സംസ്ഥാനങ്ങൾക്ക് മുൻ കൂട്ടി നിർദ്ദേശം നൽകിയിട്ടുണ്ടെന്നും മന്ത്രി വ്യക്തമാക്കി.
You must be logged in to post a comment Login