കൂനൂർ ഹെലികോപ്റ്റർ അപകടത്തിൽ തങ്ങളുടെ ജീവൻ പണയപ്പെടുത്തി രക്ഷാപ്രവർത്തനങ്ങളിൽ സഹായിച്ച നാട്ടുകാരോട് നന്ദി അറിയിച്ച് ഇന്ത്യൻ സൈന്യം. ആ സമയത്ത് ദൈവത്തെപ്പോലെയാണ് നിങ്ങൾ പ്രവർത്തിച്ചതെന്നും സൈന്യം പറഞ്ഞു.
ഗ്രാമവാസികളുടെ ആരോഗ്യ പരിശോധനകൾക്കായി എല്ലാ മാസവും ഡോക്ടറെയും നഴ്സിനെയും ഗ്രാമത്തിലേക്ക് അയക്കുമെന്നും സൈന്യം വ്യക്തമാക്കി. മാത്രവുമല്ല കൂടുതൽ ചികിത്സയ്ക്കായി വെല്ലിങ്ടനിലെ സൈനിക ആശുപത്രിയിൽ ഗ്രാമവാസികൾക്കു എത്താമെന്നും ദക്ഷിണ ഭാരത് ഏരിയ കമാൻഡിങ് ഓഫിസർ ലഫ്. ജനറൽ എ.അരുൺ അറിയിച്ചു.
രക്ഷാപ്രവർത്തനത്തിൽ പങ്കുവഹിച്ച തമിഴ്നാട് സർക്കാരിനും മുഖ്യമന്ത്രി എം.കെ.സ്റ്റാലിനും വിവിധ വകുപ്പുകളുടെ സെക്രട്ടറിമാർക്കും ലെഫ്റ്റനന്റ് ജനറൽ നന്ദി പറഞ്ഞു.
You must be logged in to post a comment Login