ദേവികുളം തെരഞ്ഞെടുപ്പ് വീഴ്ചയില് എസ്.രാജേന്ദ്രനെതിരെ നടപടിക്ക് ശുപാര്ശ. ഒരു വര്ഷത്തേക്ക് പാര്ട്ടിയില് നിന്ന് പുറത്താക്കണമെന്ന് ഇടുക്കി ജില്ലാ കമ്മിറ്റി ശുപാര്ശ ചെയ്തു. രണ്ടംഗ കമ്മിഷന്റെ അന്വേഷണത്തില് രാജേന്ദ്രന് കുറ്റക്കാരനെന്ന് കണ്ടെത്തിയിരുന്നു.
അന്തിമതീരുമാനം സിപിഎം സംസ്ഥാന സമിതിക്ക് വിട്ടു. ബ്രാഞ്ച് തലം മുതല് പ്രവര്ത്തകര് എസ് രാജേന്ദ്രനെതിരെ പരാതി നല്കിയിരുന്നു. അടിമാലി, മറയൂര്, മൂന്നാര്, ഏരിയാ കമ്മിറ്റി അംഗങ്ങളും രാജേന്ദ്രനെതിരെ പരാതി ഉന്നയിച്ചു.
ഇതിന്റെ അടിസ്ഥാനത്തിലായിരുന്നു പാര്ട്ടിയുടെ അന്വേഷണം. തെരഞ്ഞെടുപ്പ് പ്രവർത്തനങ്ങളിൽ രാജേന്ദ്രന് ആത്മാർത്ഥത കാണിച്ചില്ല. പ്രചാരണത്തിൽ നിന്നും വിട്ടു നിന്നു. വോട്ട് ഭിന്നിപ്പിക്കാൻ ശ്രമം നടത്തിയെന്നുമാണ് അന്വേഷണ കമ്മിഷന്റെ കണ്ടെത്തൽ.
You must be logged in to post a comment Login