ഡൽഹി: രാജ്യത്തെ കോവിഡ് കേസുകളിൽ കുത്തനെ വർദ്ധനവ്. തുടർച്ചയായ രണ്ടാം ദിവസവും 2000ന് മുകളിൽ രോഗികളുടെ എണ്ണം. കഴിഞ്ഞ 24 മണിക്കൂറിൽ രാജ്യത്ത് 2,380 പേർക്കാണ് പുതുതായി കോവിഡ് സ്ഥിരീകരിച്ചത്. 56 കോവിഡ് മരണങ്ങളും റിപ്പോർട് ചെയ്തു. കേന്ദ്ര ആരോഗ്യമന്ത്രാലയത്തിന്റെ കണക്കുകൾ പ്രകാരം നിലവിൽ ഏറ്റവും കൂടുതൽ കോവിഡ് കേസുകൾ റിപ്പോർട് ചെയ്യുന്നത് ഡൽഹിയിലാണ്.
കഴിഞ്ഞ 24 മണിക്കൂറിനിടെ 1,009 പേർക്കാണ് ഡൽഹിയിൽ രോഗം സ്ഥിരീകരിച്ചത്. കോവിഡ് കേസുകൾ ഉയരുന്ന സാഹചര്യത്തിൽ ഡൽഹിയിൽ മാസ്ക് നിബന്ധമാക്കി. നിയന്ത്രണം ലംഘിക്കുന്നവർക്ക് 500 രൂപ പിഴയായി ഈടാക്കുമെന്നും അധികൃതർ അറിയിച്ചു.
അതേസമയം മഹാരാഷ്ട്ര, ഉത്തർപ്രദേശ്, ഹരിയാന, മിസോറാം എന്നീ സംസ്ഥാനങ്ങളിലും കോവിഡ് ബാധിതരുടെ എണ്ണത്തിൽ വർധന ഉണ്ടാകുന്നതായി ആരോഗ്യ മന്ത്രാലയം വ്യക്തമാക്കുന്നു. ഈ സംസ്ഥാനങ്ങളിലെ നിരീക്ഷണവും പ്രതിരോധ പ്രവർത്തനങ്ങളും ഊർജിതമാക്കാൻ നിർദ്ദേശം നൽകി.
You must be logged in to post a comment Login