ആലപ്പുഴ ഇരട്ട കൊലപാതകങ്ങളില് തെരച്ചില് ഊര്ജിതമാക്കി പൊലീസ്. സംശയമുള്ള കേന്ദ്രങ്ങളില് അര്ധരാത്രിയിലും പൊലീസ് പരിശോധന നടത്തി. കേസില് കൂടുതല് അറസ്റ്റ് ഇന്നുണ്ടായേക്കും. അതേസമയം ബിജെപി നേതാവ് രണ്ജീത് ശ്രീനിവാസന്റെ കൊലപാതകത്തില് അറസ്റ്റിലായ പ്രതികളെ ഇന്ന് കോടതിയില് ഹാജരാക്കും.
ഷാന് വധക്കേസില് മുഖ്യപ്രതികളുടെ അറസ്റ്റ് ഇതുവരെയും നടന്നിട്ടില്ല. ഇന്നലെ അര്ധരാത്രി വൈകിയും പൊലീസ് ജില്ലയിലുടനീളം വ്യാപകമായ പരിശോധന നടത്തിയിരുന്നു.
എസ്ഡിപിഐക്കും പോപ്പുലര് ഫ്രണ്ടിനും സ്വാധീനമുള്ള വിവിധ കേന്ദ്രങ്ങളിളാണ് വ്യാപക തെരച്ചില് നടത്തുന്നത്. കൃത്യത്തില് നേരിട്ട് പങ്കുണ്ടെന്ന് സംശയിക്കുന്നവരെ തിരിച്ചറിഞ്ഞിട്ടുണ്ടെന്ന് പൊലീസ് പറയുന്നു.
You must be logged in to post a comment Login