പട്ടം പറത്തുന്നതിനിടെ പറന്നുപോയി; 30 അടി ഉയരത്തിൽ യുവാവ്

ശ്രീലങ്കയിൽ പട്ടം പറത്തുന്നതിനിടെ ശക്തമായ കാറ്റിൽപ്പെട്ട് യുവാവ് പറന്നുപൊങ്ങി. നാദരസ മനോഹരൻ എന്ന യുവാവാണ് 30-40 അടി ഉയരത്തിലേക്ക് പറന്നുപൊങ്ങിയത്. വിഡിയോ സമൂഹമാധ്യമങ്ങളിൽ വ്യാപകമായി പ്രചരിക്കുന്നുണ്ട്.

ശനിയാഴ്ചയാണ് സംഭവം നടക്കുന്നത്. അഞ്ച് പേര് ചേർന്ന് പറത്തുന്ന ഭീമൻ പട്ടമായിരുന്നു. പട്ടം ശക്തമായ കാറ്റിനെ തുടർന്ന് ഉയർന്ന് അനിയന്ത്രിതമായതോടെ പിന്നിലുണ്ടായിരുന്നവർ പട്ടത്തിന്റെ കയറിൽ നിന്ന് പിടിവിട്ടു.

നാദരസ ഇതറിഞ്ഞിരുന്നില്ല. അങ്ങനെയാണ് കാറ്റിനൊപ്പം പറന്നുപൊങ്ങിയത്.