മുന്നറിയിപ്പ് നല്‍കാതെ തമിഴ്നാട് ആളിയാര്‍ ഡാം തുറന്നു; പുഴകളില്‍ കുത്തൊഴുക്ക്

മുന്നറിയിപ്പില്ലാതെ തമിഴ്നാട് ആളിയാർ ഡാം തുറന്നു. പാലക്കട് പുഴകളിൽ കുത്തൊഴുക്കുണ്ടായി. ചിറ്റൂർ പുഴ നിറഞ്ഞൊഴുകുകായും യാക്കരപ്പുഴയിലേക്ക് അധിക വെള്ളമേത്തുകയും ചെയ്തു.

ചിറ്റൂരിലും സമീപപ്രദേശത്തുമുള്ളവർക്ക് പ്രാദേശിക ഭരണകൂടം ജാഗ്രതാമുന്നറിയിപ്പ് നൽകി. ഇന്നലെ രാത്രി 11 മണിയോട് കൂടിയാണ് ആളിയാർ ഡാം തുറന്നത്. എന്നാൽ ഡാം തുറക്കുന്ന വിവരം സംസ്ഥാനത്തെ അറിയിച്ചിരുന്നെന്നാണ് തമിഴ്നാടിൻറെ വിശദീകരണം. ജലവിഭവവകുപ്പ് ദുരന്തനിവാരണ അതോറിറ്റിയെ അറിയിച്ചതായും പറഞ്ഞു. എന്നാൽ ജനങ്ങളിലേക്ക് അറിയിപ്പ് എത്തിയില്ല.

ഇടുക്കി അണക്കെട്ട് വീണ്ടും തുറന്നു. ചെറുതോണി ഡാമിൻറെ മൂന്നാം നമ്പർ ഷട്ടറാണ് തുറന്നത്. ഷട്ടർ 40 സെന്റിമീറ്റർ ഉയർത്തി സെക്കൻറിൽ 40000 ലിറ്റർ വെള്ളമാണ് പുറത്തേക്ക് ഒഴുക്കിവിടുത്. ഇടുക്കി ഡാമിന്റെ വൃഷ്ടി പ്രാദേശത്ത് ശക്തമായ മഴ തുടരുകയാണ്. ഈ സാഹചര്യത്തിൽ ഡാമിലെ ജലനിരപ്പ്, അപ്പർ റൂൾ ലെവലായ 2400.03 അടിക്ക് മുകളിലെത്തുന്നതിന് സാധ്യതയുള്ളതിനാൽ അധിക ജലം ക്രമീകരിക്കുന്നതിനായിട്ടാണ് ഷട്ടർ തുറന്നത്.